ოდორანტის ტრანსპორტირება კახეთის რეგიონში

29/06/2018
გაცნობებთ, რომ „საქართველოს გაზის ტრანსპორტირების კომპანიის“ მიერ მიმდინარე წლის 2 ივლისს განხორციელდება ოდორანტის ტრანსპორტირება კახეთის რეგიონში. კერძოდ, წინანდლის,  თელავის,  ოჟიოსა და ჩალაუბნის  გაზგამანაწილებელი სადგურების მიმართულებით. აღნიშნული ქმედება აუცილებელია ბუნებრივი გაზის ოდორიზების უწყვეტი პროცესიდან გამომდინარე. ოდორანტის ტრანსპორტირების პროცესში, შესაძლოა დაფიქსირდეს ნივთიერების მცირე სუნი, რაც ადამიანის ჯანმრთელობისთვის საფრთხეს არ წარმოადგენს. „საქართველოს გაზის ტრანსპორტირების კომპანია“ შესაძლო დისკომფორტის გამო, მოსახლეობას ბოდიშს უხდის.