ოდორანტის ტრანსპორტირება ქარელისა და მცხეთის მუნიციპალიტეტებში

02/10/2018
გაცნობებთ, რომ „საქართველოს გაზის ტრანსპორტირების კომპანიის“ მიერ მიმდინარე წლის 3 ოქტომბერს განხორციელდება ოდორანტის ტრანსპორტირება მცხეთის მუნიციპალიტეტის, სოფელ წეროვანისა და ქარელის მუნიციპალიტეტის სოფელ სასირეთში შპს „სოკარ ჯორჯია გაზის“ გაზგამანაწილებელი სადგურების მიმართულებით. აღნიშნული ქმედება აუცილებელია ბუნებრივი გაზის ოდორიზების უწყვეტი პროცესიდან გამომდინარე. ოდორანტის ტრანსპორტირების პროცესში, შესაძლოა დაფიქსირდეს ნივთიერების მცირე სუნი, რაც ადამიანის ჯანმრთელობისთვის საფრთხეს არ წარმოადგენს. „საქართველოს გაზის ტრანსპორტირების კომპანია“ შესაძლო დისკომფორტის გამო, მოსახლეობას ბოდიშს უხდის.