საგურამო-ქუთაისის DN-500მმ მ/გ-ზე მიმდინარე სამუშაოები

07/08/2018
შპს „საქართველოს გაზის ტრანსპორტირების კომპანიამ “ "საგურამო-ქუთაისის“ DN-500მმ მაგისტრალური გაზსადენის 205-ე კმ-ზე დაასრულა  მდინარე რიონზე აგებული საჰაერო გადასასვლელის დაგრძელების სამუშაოები, რათა თავიდან იქნეს  აცილებული სტიქიის შემთხვევაში გაზსადენის დაზიანების შესაძლებლობა. ამიტომ საჭირო გახდა  ახლადაშენებული 67 მეტრი სიგრძის  გაზსადენის  მოქმედ მაგისტრალში  შეჭრა. აღნიშნული სამუშაოები განხორციელდება მიმდინარე წლის  8 აგვისტოს 05:00 საათიდან 12:00 საათამდე პერიოდში, რის გამოც ბუნებრივი გაზის მიწოდება შეუწყდება სოფელ გეგუთისა და  მიმდებარე დასახლებების „სოკარ ჯორჯია გაზის“ 3500 აბონენტს. ასევე შესაძლებელია ბუნებრივი გაზის მომარაგებაში შეფერხება შეექმნას ქალაქ წყალტუბოს 11032 აბონენტს   შპს „საქართველოს გაზის ტრანსპორტირების კომპანია“ შესაძლო დისკომფორტის გამო მოსახლეობას ბოდიშს უხდის. კომპანია  სისტემატურად ახორციელებს მაგისტრალური გაზსადენების რეაბილიტაციას იმისათვის, რომ მოხსნილი იყოს გაზსადენების დაზიანების ნებისმიერი საფრთხე და სისტემა გამართულად ფუნქციონირებდეს. კომპანიის ტექნიკური ჯგუფების მიერ განხორციელებული  სამუშაოები უზრუნველყოფს მაგისტრალური გაზსადენის გამართულ და სტაბილურ ფუნქციონირებას, მომხმარებლების საიმედო გაზმომარაგებას.