2025 წლის 9 სექტემბერს, საქართველოს ფინანსთა სამინისტროს საგამოძიებო სამსახურმა საქართველოს გაზის ტრანსპორტირების კომპანიას აცნობა გორის მუნიციპალიტეტის სოფ. ბერბუკში მდებარე, შპს „საური“-ს (ს/ნ 218058786) ტერიტორიაზე კუსტარულად მოწყობილი ავტომობილებისთვის განკუთვნილი გაზგასამართი სადგურის ფუნქციონირების შესახებ. კომპანიის თანამშრომლებმა მიღებულ ინფორმაციაზე დაუყოვნებლივ მოახდინეს რეაგირება. საქართველოს გაზის ტრანსპორტირების კომპანია მის მფლობელობაში არსებული მაგისტრალური გაზსადენის ინფრასტრუქტურის ინსპექტირებასა და საექსპლუატაციო პროცესის მონიტორინგს განაგრძობს, რათა დროულად გამოვლინდეს უკანონო დაერთებებისა და სხვა გადაცდომების შემთხვევები. კომპანია თანამშრომლობს სამართალდამცველ ორგანოებთან, რათა მონიტორინგის შედეგად გამოვლენილი ყოველი კანონდარღვევა სათანადო რეაგირების გარეშე არ დარჩეს.