განცხადება ბუნებრივი გაზის მიწოდების შეზღუდვასთან დაკავშირებით

  შპს “საქართველოს გაზის ტრანსპორტირების კომპანია” ვლადიკავკაზ-თბილისის მაგისტრალური გაზსადენის სარეაბილიტაციო სამუშაოებს ახორციელებს. კერძოდ, შეკეთდება დაზიანებული კოროზიული მონაკვეთები და დაიხურება კოროზიული ხვრელები. სისტემის გამართულად ფუნქციონირებისათვის ხორციელდება D-700 მილიმეტრიანი ორი ჩამკეტი ონკანის მონტაჟი. სარეაბილიტაციო სამუშაოების პროცესში, მიმდინარე წლის 8 აგვისტოს 05:00 საათიდან 10 აგვისტოს 12:00 საათამდე ბუნებრივი გაზის მიწოდება შეუწყდება გუდაურს, დაბა სტეფანწმინდასა და ყაზბეგის მუნიციპალიტეტს. სარემონტო სამუშაოების დასრულებისთანავე, ოთხშაბათს ბუნებრივი გაზის მიწოდება შეუზღუდავად აღდგება. შპს “გაზის ტრანსპორტირების კომპანია” აღნიშნულის გამო მომხმარებელს ბოდიშს უხდის.