ახალი ამბები
28.11.2017
შპს „საქართველოს გაზის ტრანსპორტირების კომპანია“ „წითელი ხიდი - გარდაბნის“ 18-კილომეტრიანი, DN – 700 მმ-იანი, ახლადაშენებული მონაკვეთის მოქმედ მაგისტრალურ გაზსადენში შეჭრის სამუშაოებს ახორციელებს. აღნიშნული უზრუნველყოფს მაგისტრალური გაზსადენის გამართულ და სტაბილურ ფუნქციონირებას, მომხმარებლების უწყვეტ და საიმედო გაზმომარაგებას. შექმნილი ვითარებიდან გამომდინარე, 2017 წლის 29 ნოემბერს 09:00 საათიდან - 15:00 საათამდე ბუნებრივი გაზის მიწოდება შეუწყდება მარნეულის მუნიციპალიტეტის შემდეგ სოფლებს: არაფლო, აღამედლი, ახალი მამუდლო, ახლოლალო, ბაითალო, ბუდიონოვკა, ხუდლარა, ხიხანი,იმირი, შაუმიანი, წითელი სოფელი, სეიდხოჯალი, დაშთაფა, თექალი, დამია-გიაურარხი, ქესალო, კაჩაგანი, კიროვკა, მოლაოღლი, დამია, ლეჟბადინი, შულავერი, დიდი მუღანლო, იმირჭალა, კარიხლო, ზემო სარალი, ენიქენდი, ბურმა, სადახლო, ყულარი, ქვემო სარალი, აზიზქენდი, ალგეთი, ბაიდარი, გაჯისაქენდი, თაზაქენდი, საბირქენდი, ქუთლიარი, ხუტორლეჟბადინი.
03.11.2017
მიმდინარე წლის 2 ნოემბერს, საქართველოს გაზის ტრანსპორტირების კომპანიის გენერალური დირექტორი ირაკლი ბენდელიანი, ენერგეტიკის მინისტრ ბატონ ილია ელოშვილთან ერთად თურქმენეთის ნავთობისა და გაზის რიგით 22-ე საერთაშორისო კონფერენციას დაესწრო, სადაც განხილული იქნა რეგიონის ენერგოუსაფრთოებისა და საერთაშორისო თანამშრომლობის საკითხები. საქართველოს მხრიდან კონფერენციაში მონაწილეობა მნიშვნლოვანია თურქმენეთთან სამომავლო ურთიერთობების განმტკიცებისა და ერთობლივი პროექტების განხორციელებისათვის. ასევე კონფერენციის ფარგლებში მოეწყო გამოფენა “Expo OGP 2017”, სადაც მონაწილეობას იღებდნენ ნავთობისა და გაზის სექტორის მსოფლიოს უმსხვილესი კერძო და სახელმწიფო კომპანიები.
18.10.2017
შპს „საქართველოს გაზის ტრანსპორტირების კომპანია“ გაცნობებთ, რომ გარეშე პირის ზემოქმედების შედეგად დაზიანდა “რუსთავი-თელავი-ჟინვალის“ DN-300მმ მაგისტრალური გაზსადენი, რის გამოც აღნიშნული მილსადენის 83-ე კილომეტრზე აუცილებელი გახდა სარემონტო სამუშაოების განხორციელება. შექმნილი ვითარებიდან გამომდინარე, ბუნებრივი გაზის მიწოდება შეუწყდება გურჯაანის მუნიციპალიტეტის რამდენიმე სოფელს: ჩალაუბანს, მელაანს, კარდენახს, ბაკურციხესა და კოლაგს. შპს „საქართველოს გაზის ტრანსპორტირების კომპანიის“ ტექნიკური ჯგუფების მიერ “რუსთავი-თელავი-ჟინვალის“ DN-300მმ მაგისტრალურ გაზსადენზე სარემონტო სამუშოები ამ ეტაპზე აქტიურად მიმდინარეობს და ბუნებრივი გაზის მიწოდება მილსადენის შეკეთების დასრულებისთანავე აღდგება.
