ახალი ამბები
10.11.2016
შპს “საქართველოს გაზის ტრანსპორტირების კომპანია” გაცნობებთ, რომ მიმდინარე წლის 9 ნოემბერს გურჯაანის მუნიციპალიტეტში სასოფლო-სამეურნეო სამუშაოების მიმდინარეობის დროს ადგილობრივი მოსახლეობის მიერ დაზიანდა „რუსთავი-თელავი-ჟინვალის“ მაგისტრალური გაზსადენის DN-150მმ მაღალი წნევის მილსადენი. აღნიშნული ფაქტის გათვალისწინებით, ბუნებრივი გაზის მიწოდება დროებით შეწყდა გურჯაანის მუნიციპალიტეტის სოფლებში - ჩალაუბანსა და მელაანში, ასევე კომერციულ ობიექტზე - „გამა+“. აღნიშნულის გათვალისწინებით კომპანიაში დაუყოვნებლივ იქნა მიღებული შესაბამისი ზომები, კომპანიის თანამშრომლები აქტიურად მუშაობენ დაზიანების აღმოსაფხვრელად რის გამოც ბუნებრივი გაზის მიწოდება დღის ბოლომდე აღდგება. შპს “საქართველოს გაზის ტრანსპორტირების კომპანია” შექმნილი დისკომფორტის გამო ბოდიშს უხდის მოსახლეობას.
28.10.2016
შპს საქართველოს გაზის ტრანსპორტირების კომპანია გაცნობებთ, რომ ქალაქ თბილისის შეუფერხებელი და უწყვეტი გაზმომარაგების მიზნით, ახლადაშენებული გაზგამანაწილებელი სადგურის მაგისტრალურ გაზსადენზე მიერთების გამო კომპანიას დაგეგმილი აქვს გარკვეული ტექნიკური სამუშაოების განხორციელება, რის გამოც მიმდინარე წლის 31 ოქტომბერს დილის 06:00 საათიდან საღამოს 17:00 საათამდე ბუნებრივი გაზის მიწოდება შეეზღუდება ქალაქ მცხეთას, სოფელ საგურამოსა და რამოდენიმე კომერციულ მომხმარებელს. შპს საქართველოს გაზის ტრანსპორტირების კომპანია შექმნილი მდგომარეობის გამო ბოდიშს უხდის მომხმარებლებს და დასძენს, რომ აღნიშნული სამუშაოების განხორციელება კიდევ უფრო ხელს შეუწყობს დედაქალაქის მოსახლეობის შეუფერხებელ და სტაბილურ გაზმომარაგებას.
24.10.2016
https://www.youtube.com/watch?v=XtPZW8j_msA&feature=youtu.be
24.10.2016
"წითელი ხიდი-წალკა-ალასტანის" მაგისტრალური გაზსადენის (ახალქალაქის) D-300მმ პოლიეთილენის გაზსადენი მიმდინარე წლის 24 ოქტომბერს მიწის საექსკავაციო სამუშაოების მიმდინარეობისას დაზიანდა, რის შედეგადაც ავარიულ რეჟიმში გადაიკეტა აღნიშნული მაგისტრალური გაზსადენი. შექმნილი მდგომარეობის გამო, ბუნებრივი გაზის მიწოდება შეუწყდებათ აქალქალაქისა და ნინოწმინდის მუნიციპალიტეტებს. შპს საქართველოს გაზის ტრანსპორტირების კომპანიამ მყისიერად დაიწყო ავარიის სალიკვიდაციო სამუშაოები. პრობლემა აღმოფხვრილ იქნება ხვალ შუადღემდე და, ახალქალაქისა და ნინოწმინდის მუნიციპალიტეტებს გაზის მიწოდება შეუფერხებლად მიეწოდევათ. შპს საქართველის გაზის ტრანსპორტირების კომპანია შექმნილი ვითარების გამო მომხმარებელს ბოდიშს უხდის.
