ქუთაისი-სოხუმის DN  700 მილიმეტრიანი გაზსადენის მარშრუტის ცვლილება გახდა აუცილებელი ქუთაისის შემოვლითი სამტრედიის 31 კილომეტრიანი გზის მშენებლობასთან დაკავშირებით. შპს „გაზის ტრანსპორტირების კომპანიამ“ აღნიშნული წარმატებით განახორციელა, გაზსადენის მარშრუტი შესაცვლელად შესაბამისი სამუშაოები უკვე დასრულებულია. 

მიმდინარე წლის ნოემბერში გურიის რეგიონში მოსული უხვი ნალექის შედეგად ადიდებულმა მდინარე სუფსამ სოფელ ძიმითთან გამორეცხა მდინარის მარცხენა ნაპირი და გააშიშვლა ქუთაისი-სოხუმის მაგისტრალური გაზსადენის ქობულეთის D529 მილიმეტრიანი  განშტოების 28-ე კილომეტრზე არსებული მონაკვეთი. აღნიშნულმა ფაქტმა გაზსადენის გაწყვეტის რეალური საფრთხე შექმნა, რაც მთლიანად აჭარის რეგიონისა და გურიის გარკვეული სოფლების ბუნებრივი გაზის მიწოდების შეწყვეტას გამოიწვევდა. წინასაავარიო სიტუაციის აღმოფხვრის, გაზსადენის დაზიანებისა და ზემოთ აღნიშნული რეგიონებისათვის ბუნებრივი აირის მიწოდების შეფერხების თავიდან აცილების მიზნით, შპს „გაზის ტრანსპორტირების კომპანია“ შესაბამის სამუშაოებს ახორციელებს.

ვიცე-პრემიერი/ენერგეტიკის მინისტრი კახა კალაძე, საქართველოს გაზის ტრანსპორტირების კომპანიის დირექტორი მამუკა კობახიძე და სამეგრელო - ზემო სვანეთის მხარის გუბერნატორი ლევან შონია აბაშის მუნიციპალიტეტის სოფელ მარანში გაზიფიცირების სამუშაოების დაწყებას დაესწრნენ. საქართველოს მთავრობის გადაწყვეტილებით შპს „საქართველოს გაზის ტრანსპორტირების კომპანია" აბაშის მუნიციპალიტეტის სოფლების: პირველი მაისის, გაუწყინარის, თხმელარის, მარანის, მარანჭალას და გუგუნაყათის გაზიფიცირებისთვის საჭირო საპროექტო და სამშენებლო სამუშაოების ახორცეიელებს. ამ ეტაპზე მიმდინარეობს სოფლების მარანის, მარანჭალას და გუგუნაყათის გაზიფიცირებისთვის საჭირო სამშენებლო სამუშაოები. სამივე სოფლის გაზსადენის ჯამური სიგრძე 36452 გრძივი მეტრია. განხორცილებული სამუშაოების შედეგად ბუნებრივი აირის ქსელში ჩართვის შესაძლებლობა მიეცემა აბაშის მუნიციპალიტეტში მცხოვრებ 862 ოჯახს.