ყარადაღ-თბილისის 496-ე კილომეტრზე არსებულ სოფელ გამარჯვების განშტოებაზე ჩამკეტი ონკანის საავარიო მდგომარეობის ლიკვიდაციის მიზნით შპს "საქართველოს გაზის ტრანსპორტირების კომპანია" შესაბამის სამუშაოებს ახორციელებს, რის გამოც მიმდინარე წლის 23 მაისს 00:00 საათიდან 03:00 საათამდე ბუნებრივი გაზის მიწოდება შეეზღუდებათ სოფელ გამარჯვებიდან ხაშურამდე არსებულ ავტოგაზგასამართ სადგურებს. შპს "საქართველოს გაზის ტრანსპორტირების კომპანია" მომხმარებლებს აღნიშნული შეზღუდვის გამო ბოდიშს უხდის.

გვინდა გამოვეხმაუროთ მიმდინარე წლის 10 მაისს ტელეკომპანია მაესტროს გადაცემა „ბიზნეს კონტაქტში“ გასულ სიუჟეტს შპს „ჯეოტრანსგაზისთვის“ ბუნებრივი აირის მიწოდების შეფერხებასთან დაკავშირებით. უნდა აღინიშნოს, რომ შპს „საქართველოს გაზის ტრანსპორტირების კომპანია“ არ ახორციელებს ბუნებრივი აირის განაწილებას, არამედ, როგორც ბუნებრივი გაზის ტრანსპორტირების ლიცენზიატი, კომპანია უზრუნველყოფს ბუნებრივი გაზის ტრანსპორტირებას მიღების პუნქტებიდან მიწოდების პუნქტებამდე. ამასთან, შპს „ჯეოტრანსგაზთან“ მომსახურების გაწევის თაობაზე შესაბამისი მიღება-ჩაბარების აქტის გაფორმებამდე საჭიროა ბუნებრივი აირის მოცულობა შედარდეს მიმწოდებელთან - შპს „გაზპრომ ექსპორტთან“. შპს „საქართველოს გაზის ტრანსპორტირების კომპანია“ ამჟამად მიმწოდებელთან სწორედ აღნიშნული შედარების პროცედურას გადის.

28.04.2016 შპს "საქართველოს გაზის ტრანსპორტირების კომპანია" უანგარო დონორთა აქციას - "გაიღე სისხლი, გადაარჩინე სიცოცხლე", შეუერთდა. ამით კომპანიამ თანადგომა გამოხატა იმ თანამოქალაქეთა მიმართ, ვისაც დახმარება ესაჭიროება. აღნიშნული პროექტი მოსახლეობის მიზნობრივი ჯგუფის უსაფრთხო სისხლით ხელმისაწვდომობის გარანტიას წარმოადგენს. კომპანია მომავალშიც მზადაა აღნიშნული ტიპის აქციებში მიიღოს მონაწილეობა და საკუთარი წვლილი შეიტანოს მოქალაქეთა დასახმარებლად.