ტექნიკური სამუშაოები "ქუთაისი-სოხუმის" მაგისტრალურ გაზსადენზე

გაცნობებთ, რომ აღმოსავლეთ-დასავლეთოს მაგისტრალის ზესტაფონი-ქუთაისი-სამტრედიის გზის ქუთაისის ახალი ავტობანის მშენებლობის პროექტის ფარგლებში, ახალი მაგისტრალური გაზსადენის მონაკვეთის მშენებლობა განხორციელდა. ამ ეტაპზე შპს „საქართველოს გაზის ტრანსპორტირების კომპანიის“ ტექნიკური ჯგუფების მიერ აღნიშნული მილსადენის მოქმედ, „ქუთაისი-სოხუმის“ DN-500მმ მაგისტრალურ გაზსადენში შეჭრის სამუშაოები  ხორციელდება. შექმნილი ვითარებიდან გამომდინარე მიმდინარე წლის 1 ივნისს ბუნებრივი გაზის მიწოდება შეწყდება შემდეგ სოფლებში: ბაში, კოპიტნარი, ახალსოფელი, იანეთი, ეწერი, დიდი ჯიხაიში, ღანირი, ჭაგანი, ნაბაკევი, ნინუაკუთხე, ჩხენიში, კვირიკე, მიწაბოგირა, კულაში, პატარა ჯიხაიში, გოჩა ჯიხაიში, ივანდიდი, დიდი და პატარა კუხი, მათხოჯი, საწულუკიძეო, ჭყონი; ასევე  ქალაქებში: მარტვილში, სამტრედიასა და ხონში. ბუნებრივი გაზის მიწოდება შეუწყდებათ კოპიტნარისა და ხონი სამხედრო ბაზებსაც. შპს "საქართველოს გაზის ტრანსპორტირების კომპანია"  დისკომფორტის გამო მომხმარებელს ბოდიშს უხდის.    

გაცნობებთ, რომ შპს “საქართველოს გაზის ტრანსპორტირების კომპანია” „ვლადიკავკაზ-თბილისის“ DN-700 მმ. მაგისტრალური გაზსადენის სარემონტო სამუშაოებს ახორციელებს. აღნიშნული მილსადენის 156- კილომეტრზე მოხდება დაზიანებული მონაკვეთის აღდგენა. რეაბილიტაცია შპს „საქართველოს გაზის ტრანსპორტირების კომპანიის“ მიერ წინასაავარიო მდგომარეობის აღმოფხვრის მიზნით სისტემის გამართულად ფუნქციონირებისათვის ხორციელდება. შექმნილი ვითარების გათვალისწინებით, მიმდინარე წლის 29-30 მაისს ბუნებრივი გაზის მიწოდება შეუწყდებათ დუშეთის რაიონის შემდეგ სოფლებს: არაგვისპირს, ბოდორნას, ბაზალეთს, ქუბრიანთკარს, ბულაჩაურს, ჭოპორტს, წითელ სოფელსა და ციხისძირს. ბუნებრივი გაზის მიწოდება ასევე შეუწყდება ანანურის, ციხისძირის, ანანურის აგარაკების, ზოტიკიანთკარის, ქალაქ დუშეთისა და დაბა ჟინვალის მოსახლეობას. საავარიო სიტუაციის აღმოფხვრის მიზნით, შპს "საქართველოს გაზის ტრანსპორტირების კომპანიის" ტექნიკური ჯგუფები ინტენსიურად მუშაობენ და ყველაფერს აკეთებენ იმისათვის, რომ პრობლემა დროულად მოგვარდეს. შპს "საქართველოს გაზის ტრანსპორტირების კომპანია" დისკომფორტის გამო მომხმარებელს ბოდიშს უხდის.