საქარათველოს მთავრობის 2016 წლის 25 თებერვლის № 303 განკარგულების თანახმად,  შპს „საქართველოს გაზის ტრანსპორტირების კომპანიის“ დაკვეთით ახმეტის მუნიციპალიტეტის სოფელი დუისის გაზიფიცირების უზრუნველსაყოფად ხორციელდება შესაბამისი სამშენებლო სამუშაოები.     

„წითელი ხიდი-წალკა-ალასტანის“ მაგისტრალური გაზსადენის კმ.ნ. 115+8-დან კმ.ნ. 190+1-მდე წინასაავარიო მდგომარეობის აღმოფხვრის მიზნით, შპს „საქართველოს გაზის ტრანსპორტირების კომპანიას“ შესაბამისი სამუშაოები აქვს დაგეგმილი, რის გამოც მიმდინარე წლის 6-დან 8 ივლისის ჩათვლით ბუნებრივი გაზის მიწოდება შეეზღუდებათ ახალქალაქის, ახალციხის, ასპინძისა და ნინოწმინდის მუნიციპალიტეტებში შემავალ სოფლებს. შპს „საქართველოს გაზის ტრანსპორტირების კომპანია“ შექმნილი მდგომარეობის გამო ბოდიშს უხდის მომხმარებლებს.

შპს „საქართველოს გაზის ტრანსპორტირების კომპანია“ ვლადიკავკაზ-თბილისის მაგისტრალური გაზსადენის კმ.ნ. 85+00-სა და ჩრდილოეთ კავკასია-ამიერკავკასია კმ.ნ. 173+500-ზე  სარეაბილიტაციო სამუშაოებს აწარმოებს. მდინარე ბიდარას მარცხენა ნაპირზე განვითარებულმა ეროზიულმა პროცესებმა გააშიშვლა მილსადენი და დააზიანა საექსპლუატაციო დერეფანი. აღნიშნული პროცესების ლიკვიდაციის მიზნით შპს „საქართველოს გაზის ტრანსპორტირების კომპანიაში“ დამუშავდა ფერდის აღდგენის პროექტი გაბიონების წყებით. ამ ეტაპზე მიმდინარეობს საინჟინრო-ტექნიკური პროექტით გათვალისწინებული სამუშაოები, რაც მიმდინარე წლის 15 ივლისამდე დასრულდება.