სომხეთის რესპუბლიკის მიმართულებით ბუნებრივი გაზის ტრანზიტი სრულად არის აღდგენილი და ამ ეტაპზე გაზის მიწოდებასთან დაკავშირებით ყველა სახის შეზღუდვა მოხსნილია. აღსანიშნავია, რომ შპს „საქართველოს გაზის ტრანსპორტირების კომპანიის“ მიერ „ყაზახ-საგურამოს“ სატრანზიტო DN-1000 მმ მაგისტრალურ გაზსადენზე კაპიტალური სარეაბილიტაციო სამუშაოები განხორციელდა. ახლით შეიცვალა მწყობრიდან გამოსული N303-ე და N304-ე საონკანო კვანძები. ასევე აღდგენილია გამჭოლი კოროზიული ხვრელები და მილსადენის ანტიკოროზიული საფარი. რეაბილიტაცია ჩაუტარდა ბაქო-თბილისის ცენტრალური სარკინიგზო გადასასვლელის ქვეშ არსებულ მონაკვეთს. მსგავსი მასშტაბის სამუშაოები აღნიშნულ გაზსადენზე უკანასკნელი 30 წლის განმავლობაში არ განხორციელებულა. სარეაბილიტაციო სამუშაოების შედეგად ერთი-ორად გაიზრდება გაზსადენის უსაფრთხოებისა და ეფექტური მართვის შესაძლებლობა. ასევე მნიშვნელოვანია, რომ გარკვეულწილად შემცირდება მილსადენიდან ბუნებრივი გაზის დანაკარგი. აღსანიშნავია, რომ სომხეთის რესპუბლიკის მხრიდან შპს „საქართველოს გაზის ტრანსპორტირების კომპანიამ“ წერილობითი მადლობა მიიღო სამუშაოების ხარისხიანად განხორციელებისა და ვადაზე ადრე დასრულებისათვის.

  შპს "საქართველოს გაზის ტრანსპორტირების კომპანია"  "ყაზახ-საგურამოს" სატრანზიტო  DN-1000 მმ მაგისტრალური გაზსადენის კაპიტალურ სარეაბილიტაციო სამუშაოებს ახორციელებს. ახლით შეიცვლება მწყობრიდან გამოსული N303-ე და N304-ე საონკანო კვანძები. ასევე მიმდინარეობს სავარაუდო გამჭოლი კოროზიული ხვრელებისა და საიზოლაციო საფარის აღდგენითი სამუშაოები. რეაბილიტაცია უტარდება ბაქო-თბილისის სარკინიგზო გადასასვლელის ქვეშ არსებულ მონაკვეთს. აღნიშნული სამუშაოები მიმდინარე წლის აგვისტოში დასრულდება. უნდა აღინიშნოს, რომ მსგავსი მასშტაბის სამუშაოები აღნიშნულ გაზსადენზე უკანასკნელი 30 წლის განმავლობაში არ განხორციელებულა. სარეაბილიტაციო სამუშაოების დასრულებისთანავე ერთი-ორად გაიზრდება გაზსადენის უსაფრთხოებისა და ეფექტური მართვის შესაძლებლობა. ასევე მნიშვნელოვანია, რომ გარკვეულწილად შემცირდება მილსადენიდან ბუნებრივი გაზის დანაკარგი.        

საქარათველოს მთავრობის 2016 წლის 25 თებერვლის № 303 განკარგულების თანახმად,  შპს „საქართველოს გაზის ტრანსპორტირების კომპანიის“ დაკვეთით ოზურგეთის მუნიციპალიტეტის სოფელ ქვემო ნატანების გაზიფიცირების უზრუნველსაყოფის მიზნით  ხორციელდება შესაბამისი სამშენებლო სამუშაოები.