შპს „საქართველოს გაზის ტრანსპორტირების კომპანიის“ მიერ ყარადაღ-თბილისის DN-800მმ მაგისტრალურ გაზსადენზე სარეაბილიტაციო სამუშაოები განახორციელდა. კერძოდ, აღნიშნული მილსადენის 468.5-ე კილომეტრზე მდინარე ალგეთზე გამორეცხილი მონაკვეთის ჩაღრმავების სამუშაოები შესრულდა. პროექტის ფარგლებში, გაზსადენის 65 მეტრამდე სიგრძის მონაკვეთი შეიცვალა ახლით.

გაცნობებთ, რომ შპს „საქართველოს გაზის ტრანსპორტირების კომპანია“ მიმდინარე წლის 11 სექტემბერს გურჯაანის გაზგამანაწილებელ სადგურში გეგმიურ სარემონტო სამუშაოებს განახორციელებს, რის გამოც ბუნებრივი გაზის მიწოდება 12:00დან 16:00 საათამდე შეუწყდება ქალაქ გურჯაანისა და სოფლების: გურჯაანის, ჭანდარის, დირკოკისა და კოლაგის აბონენტებს. კომპანიიის მიერ გეგმიური სარეაბილიტაციო სამუშაოები მიმდინარეწლის 12 სექტემბერს განხორციელდება ჩუმლაყის გაზგამანაწილებელ სადგურშიც, რის გამოც ბუნებრივი გაზის მიწოდება 13:00დან 15:00 საათამდე შეუწყდება სოფლების: ჩუმლაყისა და ყიტაანის აბონენტებს. შპს „საქართველოს გაზის ტრანსპორტირების კომპანია“ შესაძლო დისკომფორტის გამო მომხმარებელს ბოდიშს უხდის. კომპანია გეგმიურ სარემონტო-სარეაბილიტაციო სამუშაოებს სისტემატურად ახორციელებს, რაც უზრუნველყოფს მომხმარებლების უწყვეტი, უსაფრთხო და საიმედო გაზმომარაგებას.

შპს „საქართველოს გაზის ტრანსპორტირების კომპანია“, „ჩრდილოეთ კავკასია - ამიერკავკასიის“ DN – 1200 მმ მაგისტრალურ გაზსადენის 145,4 კილომეტრზე, 2018 წლის ორგანიზაციულ - ტექნიკური გეგმით გათვალისწინებულ შეღებვის სამუშაოებს ახორციელებს, მდინარე თერგზე აგებულ საჰაერო გადასასვლელზე, რომელიც ორკომპონენტიანი სპეციალური საღებავით შეიღებება და არსებულ გაზსადენს კოროზიისაგან დაიცავს. საქართველოს გაზის ტრანსპორტირების კომპანია მუდმივად ახორციელებს მაგისტრალური გაზსადენების სარემონტო-სარეაბილიტაციო სამუშაოებს, სისტემის გამართული და სტაბილური ფუნქციონირებისა და მომხმარებლების უწყვეტი გაზმომარაგების მიზნით.